🌻ଅସ୍ତମିତ ସୂର୍ଯ୍ୟ🌻

କାନ ଡେରି ଶୁଣିଲେ ଲାଗେ
ହଳଦିଆ ଲୁଗା ପିନ୍ଧି   
ବୋଉ ଯେମିତି
ଗୁଣୁଗୁଣେଇ ଚାଲିଛି
   କେତେ ଶ୍ଳୋକ
   କେତେ ମନ୍ତ୍ର ।

ତାର ହୁଳହୁଳି 
ଟନ୍ ଟନ୍ ଘଣ୍ଟି ଶବ୍ଦ
କର୍ପୁର ,  ଧୂପ,
ଘୃତବତି ଜାଳି
କହି ଚାଲିଛି
ମନର ବ୍ଯଥା
କେତେ ଯେ
ଅକୁହା କଥା।।।।।

ଝରଝର ହୋଇ
ଲୁହ ଟୋପା ସବୁ
ଭିଜେଇ ଦଉଛି।
ଥରିଲା ଥରିଲା
ଓଠ ରେ ତାର ।।।।

କେତେ ବ୍ରତ, 
ଓଷା , ନିୟମ
ଖାଲି ମୋ ଘର ,
ମୋ ସଂସାର ,

ମାଟିମାୟା ଦଗ୍ଧ ଜାବତୀୟ
ଜଂଜାଳ ଭିତରେ ଖୋଜୁଥିଲା
ଫୁଲ ବର୍ତ୍ତି ଗଛଡାଳ
ତା ଅଭାବୀ ଜୀବନ ରେ
ସମର୍ପି ଦେବାକୁ ଏକ  ସୁନ୍ଦର ନଅର।

ଅଠାକାଠି ଜୀବନ ରେ ,
ବୈଶାଖୀର ତୀବ୍ର
ଜ୍ବଳନ ରେ.....
ହାଡଭଙ୍ଗା ଶୀତର
ପ୍ରକୋପ ରେ.....
କେଜାଣି  କୋଉ ଅଭାଗୀ ର
କଷ୍ଟ ଲାଘବ ପାଇଁ....
ପ୍ରଶମିତ ଶୀତଳ
ଚଂଦନ ହୋଇ
ତା କୋମଳ ପାଦକୁ କଣ୍ଟକିତ କରି
ବିନା ପ୍ରତିବାଦ ରେ....
ପାନ ଖିଆ ନାଲି ନାଲି
      ଓଠ ରେ---
    କହି  ଉଠୁଥିଲା...... 

"ଜଗନ୍ନାଥ ହେ ସବୁ ମାଗୁ ଅଛି ତତେ"

କିନ୍ତୁ ତାର ହୃଦୟ ର ରତ୍ନବେଦି ରେ
ତା ସତ୍ଯ, ଶାନ୍ତି, ପ୍ରେମ, ସାଧନା ର
ଏ କି ପରିଣାମ ???

ଆଜି ସେ ଅସହାୟ
ପଞ୍ଜୁରୀ  ବନ୍ଧା ଶୂକପକ୍ଷି
ଦୁଃଖ ର ବ୍ଯଥା ନିର୍ମାଖି  
ଛାତି ରେ ଚାପି
ଛିଣ୍ଡା ଗୁଡି ପରି
ନୀରବ ଅଭିମାନ ରେ
ପରଖୁଛି ଛକିଶୂନ
   ଜୀବନ ରେ
ଭାଗ୍ଯ ର ବିଡମ୍ବନା ।।

ଶ୍ରାବଣୀ ର ଝର ଝର
ଆକାଶ ଆଖି ରୁ
କାନ୍ଦ ହୋଇ ଝରି ପଡୁଛି
ମେଘ ର ଓଠ ରେ।।।।

ଅଭିପ୍ସା, ଅଭିଶାପ ର
ଅଭିଶପ୍ତ ମନରେ ......
ମୃଦୁ  ମୃଦୁ ଝଡ ର          
କମ୍ପନ ରେ
ରକ୍ତକ୍ଷରା ଦୁଃଖ ରାତି,
ବ୍ୟଥାତୁର ସମ୍ଭାବ୍ଯ  ସକାଳ ରେ
ବଂଚିବାକୁ ହବ ତାକୁ
ଅଦୃଶ୍ଯ ଆୟତ ଜୀବନ

  ତାର କ୍ଳାନ୍ତ, 
ଉଦାସୀନ ଚାହଁଣି
ଚୂନାଚୂନା ହୋଇଥିବା
ଆଶା ବିଶ୍ବାସ ର ଡୋର
ବାରମ୍ବାର ଝଂକୃତ କରୁଛି

ୟେ କଣ ଭାଗ୍ଯ ର ନିୟତି,
ନା ଜୀବନର
ଛନ୍ଦମୟ ଗୀତି,
ନା ଅତୁଟ
ତପସ୍ୟାର  ତାର
"ଶେଷ ପରିଣତି" ???

🌻🌻🌻🌻🌻🌻