My Poetry

ତୁ ମଧୁମାସ ମେଘ ମହ୍ଲାର     ଚଇତି ପବନ ଛୁଆଁ ମୁଁ ମଧୁଶାଳା ବୈଶାଖୀ ଝଡର     ମରିଚିକା ଶୁଖା ନିଆଁ।   ତୁ ଶ୍ରାବଣ ର ଭିଜା ଭିଜା ବାସ୍ନା     ଇନ୍ଦ୍ରଧନୁ ସପ୍ତ ରଙ୍ଗ ମୁଁ ଭସା ମେଘ  ଖଣ୍ଡ ବାଦଲର        ରଙ୍ଗହୀନ କଟି ପତଙ୍ଗ। ତୁ ଫଗୁଣ ର ଫଗୁ ବୋଳା ହସ     ଝର ଝର ହାସ୍ୟ ନଈ ମୁଁ ଆଷାଢ଼ ର ଅସଜଡା ଶଦ୍ଦ     ନିମିଷକେ ଯାଏ ଧୋଇ। ତୁ ସକାଳ ର କଅଁଳିଆ କଢି        ଭ୍ରମର ର ଚିତ୍ତଚୋର ମୁଁ ନୁଆଁଣିଆ ଲକ୍ଷ୍ୟହୀନ ଛାଇ        ସ୍ବପ୍ନ ମିଶା  ମନ ଭଙ୍ଗୁର। ତୁ ଜ୍ୟୋସ୍ନା ରାତିର ଶୀତଳ ସମୀର     ଲାଜକୁଳୀ ପ୍ରେମ ଲତିକା   ମୁଁ  ଅନ୍ଧାର ରାତିର ଉଆଁସୀ ଜହ୍ନ    ବିକ୍ଷୁବ୍ଧ ମନର ଅହମିକା। ତୋର ମୋର ଯୋଡ଼ି ତଥାପି ସୁନ୍ଦର    ଅପାର  ଯେ ଆମ ଆତ୍ମୀୟତା। ଦୁଇଟି ଅତ୍ମାର ଅମୃତ ମିଳନ    ଭୁଲି ନ ଯିବେ ତାର ପବିତ୍ରତା।

ତୁ ମଧୁମାସ ମେଘ ମହ୍ଲାର     ଚଇତି ପବନ ଛୁଆଁ ମୁଁ ମଧୁଶାଳା ବୈଶାଖୀ ଝଡର     ମରିଚିକା ଶୁଖା ନିଆଁ।   ତୁ ଶ୍ରାବଣ ର ଭିଜା ଭିଜା ବାସ୍ନା     ଇନ୍ଦ୍ରଧନୁ ସପ୍ତ ରଙ୍ଗ ମୁଁ ଭସା ମେଘ  ଖଣ୍ଡ ବାଦଲର        ରଙ୍ଗହୀନ କଟି ପତଙ୍ଗ। ତୁ ଫଗୁଣ ର ଫଗୁ ବୋଳା ହସ     ଝର ଝର ହାସ୍ୟ ନଈ ମୁଁ ଆଷାଢ଼ ର ଅସଜଡା ଶଦ୍ଦ     ନିମିଷକେ ଯାଏ ଧୋଇ। ତୁ ସକାଳ ର କଅଁଳିଆ କଢି        ଭ୍ରମର ର ଚିତ୍ତଚୋର ମୁଁ ନୁଆଁଣିଆ ଲକ୍ଷ୍ୟହୀନ ଛାଇ        ସ୍ବପ୍ନ ମିଶା  ମନ ଭଙ୍ଗୁର। ତୁ ଜ୍ୟୋସ୍ନା ରାତିର ଶୀତଳ ସମୀର     ଲାଜକୁଳୀ ପ୍ରେମ ଲତିକା   ମୁଁ  ଅନ୍ଧାର ରାତିର ଉଆଁସୀ ଜହ୍ନ    ବିକ୍ଷୁବ୍ଧ ମନର ଅହମିକା। ତୋର ମୋର ଯୋଡ଼ି ତଥାପି ସୁନ୍ଦର    ଅପାର  ଯେ ଆମ ଆତ୍ମୀୟତା। ଦୁଇଟି ଅତ୍ମାର ଅମୃତ ମିଳନ    ଭୁଲି ନ ଯିବେ ତାର ପବିତ୍ରତା।

ଧନ ରେ....... କାହିଁ ଗଲା ତୋର ଚନ୍ଦ୍ର ବଦନ ଦେଖିବାକୁ ମୋର ମନ ଉଚ୍ଛନ୍ନ। ଦେବକୀ ପାଖରେ ଜନମ ନେଲୁ ଯଶୋଦା ପାଖରେ ପାଳିତ ହେଲୁ। ମା ପରି ତତେ କରଇ ସ୍ନେହ ଢାଳୁଛି ତୋ ପାଇଁ ଅନେକ ଲୁହ। ତତେ ଦେଖିବାକୁ ହୁଏ ବାତୁଳି ଏ ମାଆ କୁ କେବେ ଯିବୁନି ଭୁଲି। ତୋ ପାଇଁ ଗଢିବି ସରଗ ଚାନ୍ଦ ଶୁଆଇବି କୋଳେ ଗାଇ   ନା ନା ବାୟା ଗୀତ। ଯେତେ ତୁ କହିବୁ ସେତେ ଆଣିଦେବି  ସର ଲବଣୀ ରେ ତତେ ମଣ୍ଡାରିବି। ଧନ ରେ..... ଦୁଷ୍ଟ ହେଲେ ଯେତେ କହିବିନି କିଛି ରାଗିବିନି କେଭେ କଥା ମୁଁ ଦଉଛି। ନା ନା ପୌଟି ବ୍ୟଞ୍ଜନ   ତତେ ପରଷିବି ବଳେଇ ବଳେଇ ସବୁ ଖୁଆଇବି। ତୋ ପାଇଁ ନିତି ଜାଗର ଜାଳିବି ତୋ ପାଇଁ ହୃଦେ ଶୁଭ ମନାସିବି। ଯେତେ ବଡ଼ ତୁ ହେଲେ ଭି କାଳିଆ ମା ନୟନ ରେ ତୁ ଶିଶୁ ଭଳିଆ ଧନ ରେ....... ତୁ ପରା ମୋର ବିଶିକେଶନ ରଙ୍କରତନ ମୋ ଜୀବନ ଧନ। କେମିତି କହିବି ଏ ମାଆ ର ମମତା ମାପି ନ ପାରିବୁ ତାର ଗଭିରତା। ଉଛୁଳୁଛି ସ୍ନେହ ତୋ ପାଇଁ ରେ ଧନ ମମତା ପାଖରେ ତ ସବୁ ମୂଲ୍ୟହୀନ। ଏ ମାଆର ଅନ୍ତର ଥରୁଟେ ଦେଖିଯା ପାଇବୁ ଏ ହୃଦେ ଦେବକୀ ଯଶୋଦା। ମମତାର ମୂଲ ଜାଣିଛୁ ରେ ତୁହି ଏ ମାଆ କୁ ବାବୁ ଭୁଲିବୁ ନାହିଁ। ତୋ ପାଇଁ ଖୋଲା ମୋ ଦାଣ୍ଡ ଦୁଆର ଯଗିଛି ପଡିବ କେବେ ପାଦ ତୋହର। ଧନ ରେ..... ମା ମା ବୋଲି  ଡାକିଦେ ମତେ ସାତ ଜନ୍ମ ପାପ ଦୂର ହବ ସତେ। ଆନନ୍ଦ ଅଶ୍ରୁ ରେ ତତେ ସଂଖୋଳିବି ତୋ ପ୍ରେମ ରେ ସବୁ ଦୁଃଖ ଭୁଲି ଯ...

ରେ.....କାଳିଆ...!!!! ଝଲକୁଛି ମୁହଁ ତୋର  ସୁନା ଭଳିଆ। କେମିତି ଭୁଲିବି ତୋ ସୌନ୍ଦର୍ଯ୍ୟ କାନ୍ତି ଦେଖିଦେଲେ ଥରେ ମନେ ଆସେ  ଶାନ୍ତି। ଲୋଡା ନାହିଁ ମତେ  ଧନ ମାନ ଯଶ ରହି ଥାଏ ମୁହିଁ  ହୋଇ ତୋର ଦାସ ତୋ ସହ ଭାବ ଅଟେ ଜନ୍ମ ଜନ୍ମାନ୍ତର। ତୁ ମୋ  ହୃସ୍ପନ୍ଦନ  ହେ କଳା ଠାକୁର। ଜାଳୁଛି ଦୀପାଳି ମୋ  ହୃଦୟ ଅନ୍ତରେ ପାଏ ତୋର ସତ୍ତା  ଭିତରେ ବାହାରେ। ନୟନ ଯୁଗଳେ ନାଚେ  ତୋ ଜ୍ୟୋତି ଆଭା ଭରିଯାଏ ପୁଲକ ଦେଖି  ତୋର ଶୋଭା। ଲୋଡା ନାହିଁ ମତେ  ସେ ସରଗର  ଚାନ୍ଦ ଆଶ୍ରା ତୋ ପଦ୍ମ ଯୁଗଳ  ଆହେ ହେ ଗୋବିନ୍ଦ। ଜନମ ଦେଇଛୁ  ମାରିବୁ ଭି ତୁହି ମରଣ ପରେ ଭି ତୋ ସଙ୍ଗେ ରହିଥିବି ମୁହିଁ। ତୋ ଆଶୀଷ ହସ୍ତ ସଦା ଥାଉ ମୋ ଉପରେ ମୋ ତୁଣ୍ଡେ ଥାଉ ତୋ ନାମ  ଜୟ ଜଗଦୀଶ ହରେ.....। *ମିନାକ୍ଷୀ*  *ଜୟ ଜଗନ୍ନାଥ* 🙏🏻🙏🏻🙏🏻🙏🏻🙏🏻🙏🏻

ଆହା କି ସୁନ୍ଦର ତୋର ମୋର ସାଥି ମୁଁ ତୋର ଭକତ ତୁ ମୋର ମୁକ୍ତି ତୁ ମୋ ପାଖେ ଥିବୁ  ମୁଁ ତୋ ପାଖେ ଥିବି  ରହିଥିବା ଦିନ ରାତି। ଆହା କି ସୁନ୍ଦର ତୋର ମୋର ସାଥି। ଆହା କି ସୁନ୍ଦର  ତୋର କୃଷ୍ଣ କାନ୍ତି ଭାରି ଭଲ ଲାଗେ ମନେ ଆସେ ପ୍ରୀତି ସେଇ ଚକା ଆଖି ହସ ମୁଖ ଦେଖି ମିଳଇ ସତରେ ଶାନ୍ତି। ଆହା କି ସୁନ୍ଦର ତୋର ମୋର ସାଥି। ଆହା କି ସୁନ୍ଦର ଭାଇ ଭଉଣୀ ମୂର୍ତ୍ତି ସୁଭଦ୍ରା ଭଉଣୀ  ବଡ଼ ଭାଗ୍ୟବତୀ ଦୁଇ ଦୁଇ ଭାଇ  ଦୁଇ ପାଖେ ରହି ଜଗିଛ ତାକୁ ଦିନ ରାତି। ଆହା କି ସୁନ୍ଦର  ତୋର ମୋର ସାଥି। ଆହା କି ସୁନ୍ଦର କାଳିଆ ତୋର କିର୍ତ୍ତି ଦୁଃଖି ରଙ୍କି ଦୁଃଖ  ଫେଡୁ ଦିନ ରାତି ତୋ ପାଇଁ ରେ ଭକ୍ତି ବଢ଼ିଗଲା ସତେ ମନେ ଭରିଦେଲୁ ଶକ୍ତି। ଆହା କି ସୁନ୍ଦର ତୋର ମୋର ସାଥି। ଆହା କି ସୁନ୍ଦର ତୋର ମୋର ସାଥି ତୋ ପଦ୍ମ ଯୁଗଳେ ଅଛି ମଥା ପାତି ତୁ ମୋର ସାହା  ଆହେ ଚଉବାହା ଭୁଲି ଯିବୁନି ଏତିକି ମିନତି। ଆହା କି ସୁନ୍ଦର ତୋର ମୋର ସାଥି। *ମିନାକ୍ଷୀ* 🙏🏻🙏🏻🙏🏻🙏🏻🙏🏻

ପୂର୍ବ ଜନ୍ମ କର୍ମ ଏ ଜନ୍ମେ ଭୋଗିବ ପୁରାଣ ରେ ଲେଖା ଅଛି। କିଏ ବା ଦେଖିଛି ଅତିତ କୁ ଝାଙ୍କି ବର୍ତମାନ ତ ସବୁକିଛି। କୋଉ ଜନମ ରେ  କୁକର୍ମ କରିଛି ନିତି ଯେ ମୁଁ ଏଠି କାନ୍ଦୁଛି। ଏତେ ଯଦି ପାପ କରିଛି ଗୋସାଇଁ ସାତ ଜନ୍ମେ ଦେବି ଶୁଝି। ଗୋଟିଏ ଜନ୍ମ ତ ଅସହ୍ୟ ହେଲାଣି  ପାପ  ସବୁ ନ ପାରେ ଧୋଇ ଟିକେ ଟିକେ କରି ବାଣ୍ଟି ଦିଅ ଦୁଃଖ ଆଗତ ଜନମ ପାଇଁ। ସୁଧ ମୁଳ ସହ ସୁଝି ଦେବି ପ୍ରଭୁ ଯପ ତପ ତୋ ନାମେ କରି ଏ ଜନ୍ମ ଅଙ୍କ କଷି ସାରିଲିଣି ପର ଜନ୍ମ କର ତ୍ୟାରି। ମୋ ପାପ ଫଳ ନ ଭୋଗନ୍ତୁ କେହି ପରିବାର  ଥାନ୍ତୁ ସୁଖେ। ମତେ ଯାହା ଦୁଃଖ ଦେ ରେ କାଳିଆ ଅଳି କରିବିନି  ପାଖେ ତୋର ନାମ ତୁଣ୍ଡେ ନେଲେ ରେ କାଳିଆ ସବୁ ପାପ କରୁ କ୍ଷମା ସେଥିପାଇଁ ତୁ ତ ବଡ଼ ଠାକୁର ହେ ହେ ବଡ଼ ତୋର ଅଟେ ମହିମା। ପ୍ରଭୁ ପାଦ ତଳେ ପ୍ରଣତି କରୁଛି ମନ କଥା ନେବୁ ବୁଝି ପାପ କର୍ମ ଫଳ ମିଟିଯାଉ ପ୍ରଭୁ ହୋଇ ଯା ଟିକେ ତୁ ରାଜି। 🙏🏻🙏🏻🙏🏻🙏🏻🙏🏻🙏🏻

ଭୂତ, ଭବିଷ୍ୟତ, ବର୍ତ୍ତମାନ  ସବୁ ତ ତୋ ହାତେ ବନ୍ଧା। ତନ ମନ ମୋର ସମର୍ପିଛି ତତେ ରଖିଛି ତୋ ପାଖେ ଶ୍ରଦ୍ଧା। କାହିଁକି ଡରିବି , କାହିଁକି କାନ୍ଦିବି ମୋ ପାଖେ ତ ସଦା ଅଛୁ। ମୋର କର୍ମ ଧର୍ମ ସବୁ ତୋ ଆୟତେ ମନ କଥା ସବୁ ବୁଝୁ। ତୁ ତ ବତୀଘର ମୋ ପଥ ଆଲୋକ ଝଲ ମଲ ହୁଏ ନିତି। ମିଟେ ଅନ୍ଧକାର ଆଶୀର୍ବାଦେ ତୋର ଭକତିରେ ପରା ଶକ୍ତି। ଦେଖିଲି କାଳିଆ ଏ ଜଗତ ସାରା ତୋ ପରି ନୁହେଁ କେ ସମ ତୋ ଚକା ନୟନ , ତୋ ଅଧର ହସ ମନେ ଭରିଦିଏ ପ୍ରେମ। ଏତିକି ଗୁହାରି କରୁଛି  କାଳିଆ ଯିଏ ତୋ ଶରଣ ଯିବ। ଭରି ଦେବୁ ଆଶା ନ କରି ନିରାଶା ରଖିବୁ ତା ସଙ୍ଗେ ଭାବ। ଭାବ ବିହ୍ଵଳ ହେଇଯାଉ ବୋଲି ନାମ ତୋର ଭାବ ଗ୍ରାହୀ। ଭକତ ପାଇଁ ତୁ ସଦା ଜଗିଥାଉ ଭକତ ର ଅନୁଗ୍ରହୀ। ମୋ ଜୀବନ ଡୋର ବାନ୍ଧିଛି ତୋ ସହ ସେ ଡୋର ଫିଟିବ ନାହିଁ ସୂର୍ଯ୍ୟ ଚନ୍ଦ୍ର ତାରା ଯେତେ ଦିନ ଅଛି ରହିଥିବା ସାଥି ହୋଇ। ସବୁ ଜନମ ରେ ପାଖେ ପାଖେ ଥିବୁ ଭୁଲି ନ ଯିବୁ ରେ ସାଇଁ। ଶରୀରଟା ସିନା ନଶ୍ବର  ଅଟଇ ଆତ୍ମା ତ ଗୋଟିଏ  ସେଇ। *(ମିନାକ୍ଷୀ)* 🙏🏻🙏🏻🙏🏻🙏🏻🙏🏻

ଳନୀଳାଚଳ ନାଥ ଆହେ ଜଗନ୍ନାଥ ନେହୁରା ହଉଛି ତତେ ନୟନ ରେ ମୋର ଆଙ୍କେ ତୋର ଛବି ନାଚେ ଦିନ ରାତି ସତେ। ନୀଳକନ୍ଦରରେ ପୂଜା ତୁ ପାଉଛୁ ନା ନା ଅର୍ଘୈ , ନା ନା ପୁଷ୍ପେ ନାଲି ପାଟ ବସ୍ତ୍ରେ ଦିଶୁ ମନଲୋଭା ନେଉ କିଣି ମନ  ଭବେ। ନୀଳ ବାନା ତୋର ଉଡେ ଫର ଫର ନ ଦେଇ ପାରେ ଉପମା ନମନ୍ତି ଭକତେ ଦେଖି ବାନା  ଦୂରେ ନ ଯାଇ ପାରିଲେ ତୋ ସୀମା। ନ ମାଗିଲେ ଭି..ତୁ ସବୁ ଭରିଦେଉ ନୀଳ ମାଧବ ହେ ମୋର ନାମ ସ୍ମରି ତୋର ହୃଦୟେ ଯପିଲେ ନର୍ମି ଯାଏ ମନ ତୋର। ନା ନା ରୂପେ ତୁରେ ହଉ ପରିପାଟୀ ନା ନା ବିଧି ପୂଜା ପାଉ ନ ଦେଖିଲେ ଥରେ ବୁଝେନା ଏ ମନ ନାହିଁ ତୋ ପରି କେ' ଆଉ। ନୀଳ ବୈକୁଣ୍ଠ ତ ସ୍ବର୍ଗ ଠୁ ସୁନ୍ଦର ନୀଳ ସାଗର ରେ ଘେରା ନୀଳ ସେ ତରଙ୍ଗ ଉଛୁଳାଏ ମନ ନେଇଯାଏ ଦୁଃଖ ସାରା। ନମଇ ମୋ ମଥା ତୋର ଶ୍ରୀଚରଣେ ନମନ କରୁଛି ସଦା ନ ଜାଣି ଯଦି ମୁଁ କରିଛି ରେ ପାପ ନ ହେଉ ତୋ ମନେ  ବାଧା। ମିନାକ୍ଷୀ 🙏🏻🙏🏻🙏🏻🙏🏻🙏🏻🙏🏻

ଆଶା ବାଡି ତୁମେ  ଆହେ ଅନ୍ତର୍ଯ୍ୟାମୀ ଆଶରା ତୁମଠି ଅଛି ଆଲୁଅ ଅନ୍ଧାରେ  ଆଜି  ଜୀବନରେ ଆଦରି ତୁମକୁ ନେଇଛି।  ଛଳ ଛଳ ଆଖି ଛବି ତୁମ ଦେଖେ ଛନ୍ଦହୀନ ମନ ନେଇ ଛପି ଛପି ଆସ  ଛଳନା ନକରି  ଛାଇ ହୋଇଥାଅ ରହି। ଜନମ ମରଣ  ଯାନି ଜୀବନରେ ଜଗତରେ ଯାହା ଅଛି ଯାହା ମୁଁ ଦେଖୁଛି ଯାହା ମୁଁ ଶୁଣୁଛି ଜାଣିଛ ତ ସବୁ କିଛି। ସତ୍ୟ ସନ୍ଧାନ ରେ  ସଦ୍ୟ ବାହାରିଛି  ସାଥୀ ତୁମକୁ କରି ସହାସ୍ୟ ବଦନେ  ସହିଯିବି କଷ୍ଟ ସାହସ ଭରିବ ମୋ'ରି। ଧରମ କରମ  ଧରି ରଖିଚ ହେ ଧରା ପୃଷ୍ଠରେ ନିତି ଧନ ଦେଇ କେବେ  ଧରମ ନ ମିଳେ ଧନ୍ୟ ହେ ଧରମ ପତି। ଭବେ ଦେଖୁଥାଅ ଭାବନା କୁ ମୋର  ଭିତରେ ଭିତରେ ଥାଇ ଭାବି  ପାରୁନି ମୁଁ  ଭଜିବି କେମିତି ଭାରି ଭାରି ମନ ନେଇ। ପର୍ଯ୍ୟାପ୍ତ ଏଇ ପୃଥିବୀ ପୃଷ୍ଠରେ ପାପ ନ କରିବି ମୁହିଁ ପାବନ ହୃଦୟେ  ପ୍ରତିଜ୍ଞା କରୁଛି ପତିତ ର ବାନା ଛୁଇଁ। _*ମିନାକ୍ଷୀ*_ 🙏🏻🙏🏻🙏🏻🙏🏻🙏🏻🙏🏻

ଷାଠିଏ ପଉଟି ନିଇତି  ଖାଉଚୁ ଆହେ କମଳା ପତି ଗରିବ କୁ ଯଦି ମୁଠାଏ ଦିଅନ୍ତୁ ବଢନ୍ତା ତୋହର କିର୍ତ୍ତି . ଭିକ ମାଗି ମାଗି ପୋଷେ ଯେ କୁଟୁମ୍ବ ତୋହରି ବଡ଼ଦାଣ୍ଡରେ ଛପନ ଭୋଗ କେମିତି ପଶୁଛି ତୋର ସେ ଉଦର ରେ।   ଡଗ ଡଗ  କରି ଚାହିଁଛୁ ଏମିତି ଚକା ଚକା ନୟନ ରେ ଜାଣିଶୁଣି କାହିଁ ଅଜଣା ହଉଛୁ ଗୁହାରି ପଶୁନି  କାନରେ। ବଡ଼ ବଜାର କରନ୍ତୁ ମାଗଣା ଭୋଗ ତୋ ଖାଇବା ପାଇଁ ଗରିବ ଭକତ ପାଆନ୍ତେ ଯେ ତୃପ୍ତି ଦି ମୁଠା କୈବଲ୍ୟ ଖାଇ। ଦୀନ ବନ୍ଧୁ ବୋଲି ଜଗତେ ବିଖ୍ୟାତ ଦରିଦ୍ର ର ତୁ ଦାସ କେତେ ଦୁଃଖି ରିଙ୍କି ନେହୁରା ହୁଅନ୍ତି ପୁରା କରୁନାହୁଁ ଆଶ।  ଦିନ ଗୋଟି ଯଦି ଉପାସ ରୁହନ୍ତୁ ଜାଣନ୍ତୁ କ୍ଷୁଧାର ଜ୍ବାଳା। ଭକତି ଆସିବ କେମିତି ଗୋସାଇଁ ବୁଡୁଛି ଯାହାର ଭେଳା. ମାଗଣା ଖାଆନ୍ତୁ ସେ ଅଭଡ଼ା ଅନ୍ନ ତୁଣ୍ଡେ ତୋର ନାମ ଧରି ଭକତ ର ମନ ହେବ ଯେ ପ୍ରସନ୍ନ ପଡ଼ିବ ତୋ ନାମେ ହୁରି। ଏତିକି ଗୁହାରି କରୁଛି କଳିଆ ତୋହରି ଶ୍ରୀ ପୟରେ ଅସମ୍ଭବ ନୁହେଁ ତୋ ପାଇଁ ରେ ଜଗା ଦୁନିଆ ଚାଲିଛି ତୋ ଇଚ୍ଛା ରେ. ମିନାକ୍ଷୀ 🙏🏻🙏🏻🙏🏻🙏🏻🙏🏻🙏🏻

ନୀଳ ଆକାଶ ର ନୀଳ ଜହ୍ନ ତୁମେ ନୀଳ ଆଇନାର  ମୁଁ ନୀଳ କଇଁ ତୁମ ଆଲିଙ୍ଗନ ଆକାଶି ସପନ ନିତି ଜ୍ୟୋସ୍ନା ରେ ଭିଜେ ମୁହିଁ। ନୀଳ କଣ୍ଠେ ମୁଁ ନୀଳ ଗରଳ ପାନ କରୁଛି ବିରହେ ରହି ନୀଳ ଛବି ତୁମ ମୋ ନୀଳ ନୟନେ ଆଙ୍କିଛି ମଉନେ ନିଳୀମା ଦେଇ ନୀଳ କଲମ ର ନୀଳ ସ୍ୟାହି ରେ ଲେଖିଛି କବିତା ଅଶ୍ରୁ ବୁହାଇ ନୀଳ ଦରିଆର ନୀଳ ଢେଉ ରେ ଭାସିଗଲା ଶଦ୍ଦ ନୀଳ ରଙ୍ଗର ନେଇ।

ଆଶା ବାଡି ତୁମେ  ଆହେ ଅନ୍ତର୍ଯ୍ୟାମୀ ଆଶରା ତୁମଠି ଅଛି ଆଲୁଅ ଅନ୍ଧାରେ  ଆଜି  ଜୀବନରେ ଆଦରି ତୁମକୁ ନେଇଛି।  ଛଳ ଛଳ ଆଖି ଛବି ତୁମ ଦେଖେ ଛନ୍ଦହୀନ ମନ ନେଇ ଛପି ଛପି ଆସ  ଛଳନା ନକରି ରହିଥାଅ ଛାଇ ହୋଇ। ଜନମ ମରଣ ତୁମରି ହାତରେ ଜଗତରେ ଯାହା ଅଛି ଯାହା ମୁଁ ଦେଖୁଛି ଯାହା ମୁଁ ଶୁଣୁଛି ତୁମେ ହିଁ ତ ସବୁ କିଛି। ସତ୍ୟ ସନ୍ଧାନ ରେ  ସଦ୍ୟ ବାହାରିଛି  ସାଥୀ ତୁମକୁ କରି ସହାସ୍ୟ ବଦନେ  ସହିଯିବି କଷ୍ଟ ସାହସ ଭରିବ ମୋ'ରି। ଧରମ କରମ  ଧରି ରଖିଚ ହେ ଧରା ପୃଷ୍ଠରେ ନିତି ଧନ ଦେଇ କେବେ ନ ମିଳେ ଧରମ ଧନ୍ୟ ହେ ଧରମପତି। ଭବେ ଦେଖୁଥାଅ ଭାବନା କୁ ମୋର  ଭିତରେ ଭିତରେ ଥାଇ ଭାବି  ପାରୁନି ମୁଁ କେମିତି ଭଜିବି ଆହେ ପ୍ରଭୁ ଭାବଗ୍ରାହୀ। ପର୍ଯ୍ୟାପ୍ତ ଏଇ ପୃଥିବୀ ପୃଷ୍ଠରେ ପାପ ନ କରିବି ମୁହିଁ ପାବନ ହୃଦୟେ ପ୍ରତିଜ୍ଞା କରୁଛି ପତିତ ର ବାନା ଛୁଇଁ। _*ମିନାକ୍ଷୀ*_ 🙏🏻🙏🏻🙏🏻🙏🏻🙏🏻🙏🏻

ସାଗର ପୁଅ ଉଚ୍ଛନ୍ନ ହଉଛି ଚାନ୍ଦ ମୁହିଁ କୁ ଦେଖି ଚାନ୍ଦ ମୁହିଁ ଯେ ଏତେ ଫୁଲେଇ ତାରା ମେଳେ ଥାଏ ଲାଖି।❤ ଦୂରରୁ ଫୁଲେଇ ଚୁପି ଚୁପି ହସେ ମଚକ ମଚକ ଚାହେଁ ସାଗର ବିଚରା ତା ପ୍ରେମ ପାଗଳେ ଢେଉ କୂଳେ ପିଟୁଥାଏ।❤ କେତେ ଉପହାର ସାଇତି ରଖିଛି ତା ହୃଦୟ ସ୍ଥଳେ ଚାନ୍ଦ ମୁହିଁ ତ ଖାତିର କରେନି ଲୁଚେ ଭସାମେଘ ତଳେ।❤ ଯେତେ ନଦୀ ସବୁ ଅଥୟ ହୁଅନ୍ତି ସାଗର ସାନ୍ନିଧ୍ୟ ପାଇଁ ସାଗର ଭାଇ ଯେ ଖୁସି ତ ହୁଅନ୍ତି ତା ପ୍ରେମା ଚାନ୍ଦ କୁ ଚାହିଁ।❤ ଜାଣିଛି ପାଗଳା ସଙ୍ଗମ ହବନି ଯୁଗ ଯୁଗ ଯିବ ବିତି ପବିତ୍ର ମନରେ କରେ ସେ ତ ପ୍ରେମ ଦେଖି ଦେଖି ଦୂରୁ ନିତି।❤ ସାତ ଜନମ ର ଏ ପ୍ରେମ କାହାଣୀ ମନେ ରଖିଛନ୍ତି ସର୍ବେ ତନ ମିଳନ ଠୁ ମନ ର ମିଳନ ଅମର ରହେ ଭବେ।❤ 💜💙🖤💚💛❤

ଏ ଭବ ସାଗରେ ଯାହା ମୁଁ ଲଭିଛି ତୁମ କରୁଣା ର ଫଳ କି କହି ତୁମକୁ ଦେବି ମୁଁ ପାଉଣା ତୁମେ ତ ଅମୂଲ ମୂଲ। ଧୂଳି ଟିଏ ହୋଇ ତୁମ ବଡ ଦାଣ୍ଡେ ଆଖି ତାଟି ଚାହିଁ ବସେ ଭାଇଭଉଣୀ ରଥରେ ଚଢି ଦରଶନ ଦେବା ଆଶେ। ବାଇଶ ପାହାଚେ ଗଡ଼ିଗଡି ମୁହିଁ ତୋର ନାମ ଜପୁଥିବି ଟଙ୍କ ତୋରାଣି ରୁ ମୁନ୍ଦାଏ ମୁନ୍ଦାଏ  ଆନନ୍ଦ ରେ ପିଉଥିବି। କଣେଇ କଣେଇ ଚାହିଁ ଦେଲେ ଟିକେ ପାପ ଯିବ କ୍ଷୟ ହୋଇ ଦୁଃଖ ସବୁ ମୋର ଯେତକ ଜୀବନେ   କୁହୁଡି ରେ ଯିବ ଧୋଇ। ଭାଇ ହେବି କି ଭଉଣୀ ହେବି ପ୍ରେମିକ ହେବି କି ସଖା ....??? କୋଉ ବନ୍ଧନ ରେ ଡାକିବି ତୁମକୁ କେମିତି ଦେବ ଦେଖା। ସବୁ ଦେଖୁଛ ସବୁ ଜାଣୁଛ ରହିଛ ହେ ନିର୍ବିକାର ଅନ୍ତର୍ଯ୍ୟାମୀ ବୋଲି ନାମ ଖ୍ୟାତିଛ  କଳନା ତୁମ ଅପାର।   ମାୟା ଖେଳ ତୁମ ନ ପାରେ ଵୁଝି  ଧରମ ନିକିତି  ହାତେ ସୁକର୍ମ ଦୁଃଷ୍କର୍ମ ତୁମ ରଚା ଖେଳ ଚାଲୁଥାଅ ସତ୍ୟ ପଥେ। ତୁମେ ହିଁ ଆରମ୍ଭ ତୁମେ ହିଁ ତ ଶେଷ ଏ କ୍ଷଣମୟ ଜୀବନ ରେ ଶେଷ ଆଶା ମୋର ରକ୍ଷା କର ପ୍ରଭୂ ଜୀବ ଯାଉ ତୁମ ପୟରେ। 🙏🏻🙏🏻🙏🏻🙏🏻🙏🏻🙏🏻🙏🏻

ତୁଳସୀ କୁ  ତୁ ମୁଣ୍ଡେ ବସେଇଲୁ* *ପାଷାଣୀ ଅହଲ୍ୟା କୁ ମାନବୀ କଲୁ* *ଶବରୀର  ଚଖା ଫଳ ଖାଇଲୁ* *ରାଧା ପ୍ରେମ ରେ ପାଗଳ ହେଲୁ* *ମୀରା ହୃଦୟରେ ସଦା ରହିଲୁ* *ଦାସିଆ ନଡିଆ ଭଲ ପାଇଲୁ* *ସାଲବେଗ ପାଇଁ ଗୀତ ରଚିଲୁ* *ଚଇତନ୍ୟ ଙ୍କ କଣ୍ଠେ ବସିଲୁ* *ସୁଦାମା ସହ ବନ୍ଧୁତା କଲୁ* *ଖୁଦ ଭଜା ତା ଘରେ ଖାଇଲୁ* *ଆଜି କାହିଁ ତୋର ଏତେ ଗରବ* *ଦେଖି  ପାରୁନୁ କି ମୋ ଭକ୍ତି ଭାବ* *ତୁ ପରା କ'ଣ ଭକତ ର ସାହା* *କି ଉଣା କଲି  କହ ଚଉବାହା* *ସଞ୍ଜ ସକାଳେ ତୋ ଛବି ଖେଳେ* *ଅନ୍ତରେ ମୋର ଅଛୁ ସବୁବେଳେ* *ଛନ୍ଦା ଚରଣେ ବନ୍ଧା ମୋ ମନ* *ତୋ ନାମ ଯପି ଯାଉଛି  ଦିନ* *କି ଦେଇ ପୂଜିବି କୁହ ହେ ଗୋସାଇଁ* *କେମିତି କିଣିବି ତୋ ମନ ଚାହିଁ* *ଯାହା ଅଛି ପାଶେ ସବୁତ ତୋହର* *ଉତ୍ସର୍ଗ କରିଛି ତନ ମନ ମୋର* *ସତ୍ୟ ର ତ ପଥ ଧରିଛି* *ପୂଣ୍ୟ ର ନଦୀ ହୋଇ ବୋହୁଛି* *ରଖ କି ବା ମାର ଆହେ ନିରାକାର* *ତୁମେ ଦାତା କର୍ତ୍ତା ତୁମେ ପାରାବାର* *ରଖିବୁ ମହତ ଭକତିର ମାନ* *ଭକତ ବିହୁନେ ତୁ କିଛି ନୁହେଁ ଜାଣ* *ଏତିକି ତୁ ହେଜ ରେ କାଳିଆ* *ଶରଣରେ ମତେ ନେବୁ  ରେ ଛଳିଆ* *ଏତିକି ବିଶ୍ବାସ ଅଛି ତ ମୋର* *ସେଥିପାଇଁ  ପରା ତୁ ଅନନ୍ତ ଠାକୁର।* *ମିନାକ୍ଷୀ* 🙏🏻🙏🏻🙏🏻🙏🏻🙏🏻🙏🏻

*ସପନ ରେ ସଦା ଆସୁଥା କାଳିଆ*       *ମନ ହବ ପୁଲକିତ* *ସୁର୍ଯ୍ୟୋଦୟ ଠାରୁ           ସୂର୍ଯ୍ୟାସ୍ତ ଯାଏ ଗାଇବି ତୋହର ଗୀତ।* *ଗୀତ ନୁହେଁ ସେତ ମନର ବେଦନା* *ପଢିବି ତୋ କାନେ କାନେ* *ରଖ କିବା ମାର ଆହେ ଇଛାମୟ*  *ତୁହିଁ ମୋ ଆଶ୍ରା ଜୀବନେ।* *ତୋ ପ୍ରେମ ରଙ୍ଗ ଲାଗିଛି ମନରେ* *ଫିକା ନ ପଡୁ ସେ କେବେ* *ତୋ ସଙ୍ଗେ ପ୍ରୀୟ ଖେଳୁଥାଏ ହୋରି* *ବଞ୍ଚି ଥିବା ଯାଏ ଭବେ।* *ହୃଦୟେ  ମୋହର କରୁଥା ରେ ବାସ* *ଜୀବନ ମୋ ଧନ୍ୟ ହେବ* *ଶୟନେ ସପନେ ଜାଗରଣେ* *ତୋ ନାମରେ  ଦିନ ଯିବ।* *ତୁ ହିଁ ତ୍ରାଣକର୍ତ୍ତା ତୁ ହିଁ ରକ୍ଷାକର୍ତ୍ତା*  *ତୁ ହିଁ  ରଚନା ସୃଷ୍ଟି ର* *ଏ ରଙ୍ଗ ମଞ୍ଚରେ ତୁ ଅଟୁ ଦ୍ରଷ୍ଟା* *ଲେଖକ ଭି ତୁ ଏ ନାଟ୍ୟ ର।* *ଲୋଡା ନାହିଁ ତତେ ସୁନା ପାଟବସ୍ତ୍ର* *ଭାବ ଭକତି ରେ ମନ* *ଢାଳିଦେଲି ତତେ ଭକତିର ମାଣ* *ମୁଁ ଛାର ଦୀନହୀନ* *ତୋ ପାଶେ ମୋର ଛୋଟ ନିବେଦନ*  *ମନା କରିବୁନି ମତେ* *ଜୀବ ଗଲା ବେଳେ ଦବୁ ଦରଶନ*  *ନୟନେ ଦେଖିବି ତୋତେ।*        *ମିନାକ୍ଷୀ* *ଜୟ ଜଗନ୍ନାଥ* 🙏🏻🙏🏻🙏🏻🙏🏻🙏🏻

*ଶୀତ ଋତୁ ଆଜି ମେଲାଣି ନେଲାଣି* *ସରିଗଲା ତାର ରାଜୁତି।* *ଋତୁରାଜ ମୁଣ୍ଡେ ଠେକା ବାନ୍ଧି ଲାଣି* *ଆସିବାକୁ କରେ କାକୁତି।* *ହାଡ଼ଭଙ୍ଗା ଶୀତ ସହିଲୁ ବହୁତ* *ମନେପଡେ ବସନ୍ତ ମଳୟ* *ଚୋରା ଚଇତାଳି ପ୍ରୀତି ଫୁଲ ନେଇ*  *ଆସିବାକୁ ହେଲା ଅଥୟ।* *ଫଗୁଣ ଫୁଲେଇ ଗଜରା ଲମ୍ବେଇ*  *ମୁଚୁକି ମୁଚୁକି ହସୁଛି।* *ନାଲି ନୀଳ ରଙ୍ଗେ ଭରିଦେବ ମନ* *ହସି ହସି ସିଏ କହୁଛି।* *ଚଇତି ପବନ ହେଲାଣି ଉଚ୍ଛନ୍ନ* *ନାଲି ଟୁକୁ ଟୁକୁ ବେଶ ସାଜିଛି* *ପ୍ରେମ ପ୍ରେମିକାର ମନ ଫର ଫର* *ସଙ୍ଗୀତ ମୁର୍ଚ୍ଛନା ଗାଉଛି।* *ଭଲ ମନ୍ଦ ସବୁ ଆସୁଛି ଯାଉଛି* *କଳି କାଳ ନିୟମ ରେ* *ସୁଖ ପରେ ଦୁଃଖ*   *ଦୁଃଖ ପରେ ସୁଖ ଆସିବ ତ ଜୀବନ ରେ।* *ଋତୁଚକ୍ର ପରି ଘୁରୁଛି ଦୁନିଆ* *ବନ୍ଧା ଏ ଜୀବନ ଡୋରି* *ଝରିବ ଫଳିବ*,  *ଯିବ ଓ ଆସିବ* *ରହିଯିବ  କୀର୍ତ୍ତି ଆମରି।* 😍😍😍😍😍😍

ଗୋଲାପ ଦିବସେ         ଗୋଲାପ ଦଉଛି ମନ ନଉକା ରେ ଆସି    ସାତ ସମୁଦ୍ର            ପାରି ମୁଁ ଆସିଛି କରିବି ତୁମକୁ ଖୁସି। 🌹  କଣ୍ଟକ ସବୁ           ମୋ ପାଇଁ ରଖିଲି ଦେଲି ତୁମକୁ ଖାଲି ମହକ କୋମଳ ମନେ       ନ ଲାଗୁ ଯେ କଷ୍ଟ ଫୁଲ ପରି ଥାଅ ଚହକ।🌹 ତୁମ ଅଗଣାରେ       ତୁଳସୀ ଟିଏ ହୋଇ ମଳୟରେ ବାସୁଥିବି ଯେତେବେଳେ ଚାହଁ    ତୁମ ପାପୁଲି ରେ କ୍ଷଣକରେ ଧରା ଦେବି।🌹 ଝରା ଶେଫାଳୀ ହୋଇ     ଝରି ମୁଁ ପଡ଼ିବି ତୁମ  ଶୂନ୍ୟ ଆଞୁଳାରେ     ତୋଳି ନେବ ବକ୍ଷେ          ପାଇଁ ଯିବି ମୁକ୍ତି ତୁମ ପ୍ରେମ ସାନ୍ନିଧ୍ୟ ରେ।🌹 ତାରା ଫୁଲ ହୋଇ          ଫୁଟିବି ଆକାଶେ ଲୁଚି ଲୁଚି ଦେଖୁଥିବି    ମଙ୍ଗଳ କାମନା        କରି ତୁମପାଇଁ ପାଶେ ପାଶେ ସଦା ଥିବି।🌹 ମୋ ଗୋଲାପ ଫୁଲ କୁ      କରିବନି ହେୟ ସାଇତି ରଖିବ ହୃଦେ ଆମ ଏ କାହାଣୀ        ଅମର ରହିବ ଚରଚିବ ଭୂ ମଧ୍ୟେ।🌹 🌹🌹🌹🌹🌹🌹

ଅଳି ଅର୍ଦ୍ଦଳି ମୋ ସବୁ ତ ସହିଲ* *ଆହେ ଜଗତର ସାଇଁ* *ଆଜି କାହିଁ ତୁମେ କୃପା  କରୁ ନାହଁ* *ଥକିଗଲି  ଡାକି ମୁହିଁ (୧)* *ଅପରାହ୍ନ ହେଲା ଛାଇ ଲେଉଟିଲା* *ସମୟ ଯାଉଛି ସରି* *ମିଞି ମିଞି ଜଳେ ମୋ ଜୀବନ ସଳିତା* *ବୟସ ଡାକିଲା ହୁରି।(୨)* *ତରୁ ଡାଳେ ଆଜି ମୁଁ ଶୁଖିଲା ପତର* *କେବେ ଭି ପଡ଼ିବ ଝରି* *ୟେ ଶେଷ ସମୟେ* *ଦିଅ ଆଶୀର୍ବାଦ କରନା  ମତେ ଯେ ବଇରି (୩)* *ଯେତିକି  ମୁଁ ପୂଣ୍ୟ କରିଛି ଜୀବନେ* *ସମର୍ପିତ  ପଦ୍ମପାଦେ* *ପାପ ଯେତେ ସବୁ ଧୋଇ ଯାଉ ପ୍ରଭୁ* *ତୁମ କରୁଣା ର ସ୍ବାଦେ।(୪)* *ଦେଖିଲି ଦୁନିଆ ମିଛ ମାୟା ଭରା* *କେହି ନୁହଇ ତ କାହାର* *ତୁମେ ହିଁ ତ ସତ୍ୟ ତୁମେ ହିଁ ଶାଶ୍ବତ* *ତୁମେ ହିଁ ତ ଶିବ ସୁନ୍ଦର।(୫)* *ବୟସ ବଢୁଛି ରୋଗ ବିଦାରୁଛି* *ପାଏ ନାହିଁ ଥଳକୁଳ* *କେତେବେଳେ ମୁଁ ଯେ*           *ମଉଳି ପଡ଼ିବି* *ତୁମେ ହିଁ ଆଶରା ସ୍ଥଳ।(୬)* *ନାହିଁ ଅବସାଦ ଆହେ ପ୍ରଭୁ ପାଦ* *ଗୁହାରି ଶୁଣିବା ହଉ* *ତୁମ ଚରଣ ରେ ଧୂଳି ଟିଏ ହୋଇ* *ତୁମ ସହ ମିଶି ଯାଉ (୭)*                      *ମିନାକ୍ଷୀ*    🙏🏻 *ଜୟ ଜଗନ୍ନାଥ*🙏🏻

ଜୟ ମା ସରସ୍ବତୀ,  ବିଦ୍ୟା ଦାୟିନୀ ଶ୍ୱେତପଦ୍ମାସିତା  ମାଗୋ... ଶ୍ବେତାଙ୍ଗିନୀ। ତୁମ କରୁଣା ମାଗୋ ଜଗତେ ପ୍ରକାଶ। ତୁମ ଆଶୀର୍ବାଦେ ହୁଏ ଜ୍ଞାନ ର ବିକାଶ। ବ୍ରହ୍ମସୁତା ମାଗୋ ଶାଶ୍ବତୀ ଶାରଦା ହଂସବାହିନୀ ମା ଜୟ ଜଗତ୍ମାତା। ଶ୍ବେତମ୍ବରା ଧରା ମାତ ଶ୍ୱେତ ବସ୍ତ୍ରାନ୍ନୀତା ସର୍ବଗୁଣ ନିପୁଣା ହେ..  ସର୍ବ ସଂହିତା । ତବ ବୀଣା ଝଂକାରେ ଦୂର ହୁଏ ତିମିର। ସାରେଗାମା ପା....ମିଳେ ଯେବେ ସପ୍ତସୂର । ହେ ...ମା  କରୁଣାମୟୀ ଥାଏ ଯେବେ କରୁଣା ମୂର୍ଖ କାଳିଦାସ ଙ୍କୁ ମିଳିଲା ଯେ ଗାରିମା। କ୍ଷମା କରିଦିଅ ମାତ ଆମ  ଧୃଷ୍ଟ  ଆସ୍ପର୍ଦ୍ଧା। ଦୂରକର  ଅହଂକାର ମନେ ବଢୁ ଶ୍ରଦ୍ଧା।  ଏକାଗ୍ର ଚିତ୍ତେ ଯେ' ଡାକଇ ହେଉଥାଅ ତୃପ୍ତି। କେତେ ଶାସ୍ତ୍ରବିତ୍ତ ଯେ ପାଉଛନ୍ତି କୀର୍ତ୍ତି। ସଂକଳ୍ପ ସୌନ୍ଦର୍ଯ୍ୟ ଶୃଙ୍ଖଳା ଜ୍ୟୋତିର୍ମୟୀ ମାତା। ହସୁଥାଉ ଧରା ଉପବନ ହୋଇ ତୁମ ଆଶ୍ରୀତା । ସର୍ବକଣ୍ଠେ  ବିରାଜିତ ଯେବେ ଅଟୁ ତୁହି ତମ ଦୟାରେ ମୂର୍ଖ ପଣ୍ଡିତ  ବୋଲାଇ। ବସନ୍ତ ପଞ୍ଚମୀ ଆଜି ପାବନ ଦିବସେ ଦିଅଦିବ୍ୟ ଜ୍ଞାନ ମାତ ମନେ ହୋଇ ତୋଷ। ମୁଁ ଅଜ୍ଞାନ ମା ଜାଣିନାହିଁ ଭକ୍ତି ହୃଦେ ସ୍ମରି ତବ ନାମ କରଇ ପ୍ରଣତି। ବରଷୁ  ଆଶୀଷ ମିଟିଯାଉ  କ୍ଳେଶ । ଝରୁଥାଉ କୃପା ଲଭେ ମୁଁ ଶୁଭାଶିଷ। ଜୟ ମା ସରସ୍ବତୀ।। 🙏🏻🙏🏻🙏🏻🙏🏻🙏🏻🙏🏻       ( *ମିନାକ୍ଷୀ*)

ସଂସାର ର ରଥ ଗଡ଼ି ଗଡ଼ି ଚାଲେ      ସଭିଙ୍କ ସାରଥୀ ଜଣେ ଖରା ଅବା ଛାଇ , ଦୁଃଖ ହଉ ସୁଖ       ଅଭିନେତା ଜଣେ ଜଣେ। ଆହେ ଜଗନ୍ନାଥ ହୋଇ ତୁମେ ପ୍ରୀତ        ମୋ ଚକ ଗଡ଼େଇ ନିଅ ବିପଦ ଆପଦ ତୁମ ଆଶୀର୍ବାଦେ     ତୁଟୁ ହୋଇ ସୂତା ଖିଅ। ସାହା ଯଦି ଅଛ ହେ ପ୍ରଭୁ ତୁମେ     ନାହିଁ କାହାରିକୁ ମୋ'ଡର। ସବୁ ପାପ ମୋର ଧୋଇ ହୋଇଯାଉ    ଥାଉ କରୁଣା ନିରନ୍ତର। ମୋ କଣ୍ଟକ ପଥ କର କୁସୁମିତ     ମନେ ଭରିଦିଅ ତୃପ୍ତି। ତବ ଶ୍ରୀ ଚରଣେ ବିତିଯାଉ ଦିନ       ପାଇଯାଏ ସଦା ମୁକ୍ତି।        ମିନାକ୍ଷୀ 🙏🏻🙏🏻🙏🏻🙏🏻🙏🏻🙏🏻

ବିଦ୍ଧ କରନାହିଁ ହୃଦୟ କୁ ମୋର   ରୁଦ୍ଧ କରନାହିଁ ପଥ ମାଗିବିନି କେଭେଁ ସ୍ବର୍ଗ ପାରିଜାତ କରୁଛି ଆଜି ମୁଁ ଶପଥ। ଅଳି କରିବିନି ସରଗର ଚାନ୍ଦ ତୋଳି ଦବାକୁ ମୋ ହାତେ ମନୁ ଦବ ଯଦି ହସର କୁସୁମ ସାଇତି ରଖିବି ହୃଦେ। କହିବିନି କେବେ ତୋଳିବାକୁ ଘର ସରଗ ରାଇଜ ପୁରେ ତୁମେ ତ ଯୋଉଠି ସେଇ ମୋ ସରଗ ଦାସୀ ତୁମ ଚରଣ ରେ। ଜଳୁଥିବି ତୁମ ପ୍ରେମ ର ନିଆଁ ରେ ଜଳିବି ସଳିତା ହୋଇ ଚାହିଁ ବିନି ତୁମ ପ୍ରେମ ଆଲିଙ୍ଗନ   ଅଶ୍ରୁଭିଜା   ଚକ୍ଷୁ ନେଇ। ପୂଜୁଥିବି ନିତି ତୁମକୁ ଅନ୍ତରେ ପ୍ରୀତି ଫୁଲ ହାର ଦେଇ ଜଗି ବସିଥିବି ତୁମରି ବାଟକୁ ପାଷାଣୀ ଅହଲ୍ୟା ହୋଇ। ମନୁ  ତୁମେ  ଯଦି ଡାକିଦିଅ ଥରେ ପାଖେ ଦେବି ମୁହିଁ ଧରା ସବୁ ଦୁଃଖ କଷ୍ଟ ଭୁଲି ଯିବି ପ୍ରୀୟେ  ଢାଳିଦେବି ପ୍ରେମ ପସରା। ଜଳନ୍ତା ଜୁଇ ରେ ହୋଇଯିବି ଭସ୍ମ ଦେବିନି ମନେ ଆହତ ଅଛି ଯଦି ଭୁଲ କରିଦିଅ କ୍ଷମା  ଆହେ ମୋର ପ୍ରାଣନାଥ। କେବେ କରୁନାହିଁ କରିବି ନାହିଁ ମୁଁ ଛଳନାର ଅଭିନୟ ଭଲ ମୁଁ ପାଉଛି ପାଉଥିବି ଭଲ ଏହି ମୋର ଅଭିପ୍ରାୟ।* *ମିନାକ୍ଷୀ*  😍😍😍😍😍😍

_ତୋ ଚକା ନୟନ ହେ କଳା କାଞ୍ଚନ_ _ଦେଖିଲେ ହୁଅଇ ଭାବ ବାହ୍ବଳ_ _ତୋ ରୂପ ଛଟା ଅନିନ୍ଦ୍ୟ ଲାବଣ୍ୟ_ _ଦେଖି ଖୁସି ରେ  ମୁଁ  ହୁଏ ପାଗଳ_। _ଦୁଃଖ ଭୁଲିଯାଏ ତୋ ମୁଖ ଚାହିଁ_ _ପାଖେ ଅଛୁ ମୋର ଡର କାହିଁପାଇଁ_ _କିଏ କହେ ତତେ କଳା ଠାକୁର_ _ତୋ ମନ ତ ଅଟେ ଧୋବ ଫର ଫର_ _ମନରେ ତ ଟିକେ କଳୁଷ ନାହିଁ_ _ମିଛରେ ଲୋକେ କଳା କୁହଇ_ _ତୋ ଅଧର ହସ ଭାରି ଯେ ସରସ_ _ଦେଖି ଦେଖି ମୁଁ କାଟେ ଦିବାର୍ନିଶ_ _ଭାବ ବିନୋଦିଆ ବୁଝୁ ଭାବର  ଠାର_ _ଭକତ ର ତୁ ଅଟୁ ଚାକର_ _ଶାଳବୃକ୍ଷେ ତୋ ନାମେ ବାନ୍ଧିଛି ବାନା_ _ମୋ ମନ ତୋ ସହ ଜୋଡିଛି କାହ୍ନା_ _ତୋ ପ୍ରେମ ସିନ୍ଧୁ ପାଇ ଟୋପାଏ ସ୍ନେହ_ _ସାତ ଜନ୍ମ ପାଇଁ  ଆଉ ନାହିଁ ମୋ ଭୟ_.  *_ମିନାକ୍ଷୀ_* *_ଜୟ ଜଗନ୍ନାଥ_* 🙏🏻🙏🏻🙏🏻🙏🏻🙏🏻

କିଏ କହେ ତତେ କଳା ଠାକୁର ହୋ ଗୁଣ ତ ନୁହଇ କଳା କାଚ ପରି ତୋର ସ୍ବଚ୍ଛ ମନୋଭାବ ଆହେ ମୋର ଚକାଡୋଳା କାଳିଆ  ରେ ଆହେ ମୋର ଚକାଡୋଳା(୧) ତୋ ପରି କିଏ ହେବ ରେ କାଳିଆ ଦୁଃଖି ଦୁଃଖେ ଭାସିଯାଉ ତୋ ପାଇଁ ଜୀବନ ଲାଗୁଛି ସରସ ଆଶୀର୍ବାଦ ସଦା ଥାଉ କାଳିଆ ରେ ଆଶୀର୍ବାଦ ସଦା ଥାଉ (୨) ତୋ ନାଲି ଅଧରୁ ବୋହୁଥାଏ ମୁକ୍ତା କୁସୁମିତ ହୁଏ ମନ ପ୍ରେମ ରେ ତୋହର ପଡ଼ିଛି କାଳିଆତୋ ପାଇଁ ଯାଉ ମୋ ଜୀବନ କାଳିଆ ରେ ତୋ ପାଇଁ ଯାଉ ମୋ ଜୀବସୁନ୍ଦର ସୃଷ୍ଟି ର ସର୍ଜନା ରେ ତ  ନାହିଁ ମାନ ଅଭିମାନ ଭକତର ତୁ ଅଟୁ ଶିରୋମଣି ଭକତି ରେ ତୋର ଜୀବନ କାଳିଆ ରେ ଭକ୍ତି ରେ ତୋ ଜୀବନ (୪) ତୋ କଳା ରଙ୍ଗରୁ ଟିକେ ଦେଇଦେ କାଳିଆ ମନ ମୋର ମୋହିଯିବ ରୂପ କଳା କରି ମନ ସ୍ବଚ୍ଛ ହେଇ ଗଙ୍ଗା ପରି ବୋହୁଥିବ କାଳିଆ ରେ ଗଙ୍ଗା ପରି ବୋହୁ ଥିବ। କାଳିଆ ରେ ଗଙ୍ଗା ପରି ବୋହୁ ଥିବ। (୫)   ମିନାକ୍ଷୀ ଜୟ ଜଗନ୍ନାଥ 🙏🏻🙏🏻🙏🏻🙏🏻🙏🏻🙏🏻