ମନୁଷ୍ୟ ଜୀବନ ହେଉଛି ସବୁଠୁ ଦୁର୍ଲଭ ଜନମ। ସଂସାରରେ ସବୁ ଠୁ ଶ୍ରେଷ୍ଠ ପ୍ରାଣୀ। ତାହାର ଯଥୋଚିତ ସୁରକ୍ଷା ଦେଶ ପାଇଁ ନିହାତି ଆବଶ୍ୟକ। ତେଣୁ ସରକାର ମନୁଷ୍ୟ ଜୀବନ ସୁରକ୍ଷା ପାଇଁ ଦୃଢ ପଦକ୍ଷେପ ନେଉଛନ୍ତି। ହଁ ସମସ୍ତେ କାଳର କରାଳ ରେ ନିଶ୍ଚୟ ବଶୀଭୂତ ହେବେ। ତଥାପି ପ୍ରାକୃତିକ ଦୁର୍ବିପାକ ଓ ସାମାଜିକ ବିଶୃଙ୍ଖଳା ପାଇଁ ବହୁତ ଜୀବନ ଅକାଳରେ ଝରି ପଡୁଛନ୍ତି। ଆଜିକାଲି ଗ୍ଲୋବାଲ ଓ୍ବାର୍ମିଙ୍ଗ ପାଇଁ ଅନେକ ପ୍ରାକୃତିକ ବିପର୍ଯ୍ୟୟ ଦେଖା ଦେଉଛି। ବନ୍ୟା, ବାତ୍ୟା,ମରୁଡି, ଭୂମିକମ୍ପ ଏମିତି ଅନେକ ଅଘଟଣ ଘଟି ଯାଉଛି। ଆମର ଏ ଯନ୍ତ୍ରଚାଳିତ ଯୁଗରେ କଳ କୌଶଳ ପାଇଁ ଆଗରୁ କଳନା କରି ସରକାର କିଛିଟା ସତର୍କତା ଅବଲମ୍ବନ କରି ପାରୁଛନ୍ତି।ଲୋକ ମାନଙ୍କୁ ଆଗରୁ ସତର୍କ କରି ଦିଆ ଯାଉଛି। ଯାହା ଫଳରେ ଅନେକ ଧନ, ଜୀବନ ରକ୍ଷା ହୋଇ ପାରୁଛି। ବିପର୍ଯ୍ୟୟ ର ପରବର୍ତ୍ତୀ ସମୟରେ ବି ଆଭ୍ୟନ୍ତରୀଣ ଓ ଦୁର୍ଗମ ଅଞ୍ଚଳରେ ମଧ୍ୟ ଲୋକମାନଙ୍କୁ ଜରୁରୀ ସାହାଯ୍ୟ ଯୋଗାଇ ଦିଆ ଯାଇ ପାରୁଛି। ପାଣିପାଗର ଆଗାମୀ ସୂଚନା ଦେଇ ସତର୍କ କରାଇ ଯାଇ ପାରୁଛି। ବିଭିନ୍ନ ଯାଗାରେ ବିଭିନ୍ନ ରିଲିଫ ପାଣ୍ଠି ର ସହାୟତା କରା ଯାଉଛି। ତ ଦ୍ବାରା ଦୁର୍ବିପାକ ଅଞ୍ଚଳରେ ଜନ ଜୀବନ ସୁରକ୍ଷା ହୋଇ ପାରୁଛି। ଅନେକ ସମୟରେ ମହମରୀ ମଧ୍ୟ ଦେଶରେ ହଲଚଲ ସୃଷ୍ଟି କରିଦେଉଛି । ତା ପାଇଁ ଯଥା ସମୟରେ ଟୀକାକରଣ ଯୋଗେଇ ଦେଇଛନ୍ତି। ରୋଗ ପ୍ରତିରୋଧ ଔଷଧ , ଭିଟାମିନ ର ବହ...