My Poetry

ମା ଲୋ ତାରିଣୀ..... କି ଦେଇ ପୂଜିବି ପାଉଣା ଟେ ପାଖେ ନାହିଁ... ନଡିଆ କଦଳୀ କିଣି ପାରୁନି ଲୋ... ଅର୍ଘ୍ୟ ତତେ ଦେବା ପାଇଁ।🌺 ଜାଣିଛି ଲୋ ମା.... ନଡିଆ ଲୋଭ ରେ ଭକତ କୁ ଟାଣି ନେଉ.... ସବୁ ଦୁଃଖ କଷ୍ଟ ହାରିଦେଉ ତୁହି ଚରଣେ ଶରଣ ଦେଉ।🌺 ଭକତି ନଡିଆ ସମର୍ପିଲି ତତେ.... କିଣିବାକୁ ଶକ୍ତି ନାହିଁ, ଚାହିଁ ଲେ ଲୋ ମା... ହଜାରେ ନଡିଆ କିଣି ପାରିବି ତୋ ପାଇଁ।🌺 ମନ୍ଦାର ସିନ୍ଦୂର ଦେଇ ତତେ ମା..... ପୁଜୁଥିବି ନିତ୍ୟ ମୁହିଁ, ତୋ ଶାଳବନ ରେ କୁଡିଆ ଟେ କରି ପାଖେ ପାଖେ ଥିବି ରହି।🌺 ସକାଳୁ ସନ୍ଧ୍ୟା ଦର୍ଶନ କରିବି ଭାବରେ ତୋ ଯିବି ମୋହି, ରଖେ କି ବା ମାରେ ଆହେ ଜଗଦମ୍ବେ..... ସେ ପଥରୁ ଓହରିବି ନାହିଁ।🌺 ମାତା ପିତା ବନ୍ଧୁ ଭାଇ ଓ ଭଗିନୀ ମୋ ପାଇଁ ତୁ ସବୁ କିଛି, ସଂସାର ଭେଳାକୁ ମୋ ଉଦ୍ଧାର କରିବୁ ଏତିକି ମୁଁ ନେହୁରା ହଉଛି🌺 ତୋ ମଥା ସିନ୍ଦୂର ମୋ ସୀମନ୍ତ ରେ ଭରି ଚାଲୁଥୁବି ଦିନ ରାତି, ତୋର ସେବା କରି ତୋହରି ବେଢ଼ା ରେ ପାଇ ଯିବି ମୁଯେ ମୁକ୍ତି।🌺 🌺🌺🌺🌺🌺🌺

ହୃଦୟ କୁ ତୁମ ଜିତି ପାରିଲିନି ସମୟ ଗଲା ତ ସରି ମୃତ୍ୟୁରାଜ ଆସି  ହାତ ଠାରି ଲେଣି ଯିବି ତାଙ୍କ ସହ ଫେରି। ଭଙ୍ଗୁର ମନ ରେ ଚାଲିଯିବି ଦୂର ରହିଯିବ ଅବଶୋଷ। କି ଭୁଲ ମୁଁ କରିଥିଲି କୁହ କରି ପାରିଲିନି ତୋଷ। କାହା ହୃଦକୁ ତୁମେ ବାନ୍ଧି ରଖିଅଛ ମୋ ପାଇଁ ଯେ ଯାଗା ନାହିଁ ବନ୍ଦ ତାଲ କୁ ଖୋଲିବାକୁ ପ୍ରିୟେ ଚେଷ୍ଟା କରୁଥିଲି ମୁହିଁ। ଆଡ ନୟନ ରେ ଚାହିଁ ଲନି ଟିକେ  ତୁମ ପାଇଁ ସଜୁଥିଲି..... ପ୍ରେମ ପସରା ଖୋଲି ବସିଥିଲି, ତୁମକୁ ପାଇବି ବୋଲି। ହୃଦୟକୁ ଚିରି ଦେଖିଯିବ ଯଦି ଅଙ୍କିତ ତୁମରି ନାମ ପୂଜୁଥିଲି ନିତି ସଂଜ ସକାଳେ ଭରି ମନେ ମୋର ପ୍ରେମ। ହେଇ ପାରିଲିନି ରାଧା ତୁମ ପାଇଁ ହେଇ ପାରିଲିନି ସୀତା   ମୀରା ହୋଇ ଆଜି ପିଉଛି ମୁଁ ବିଷ ମନେ ତୁମ ନ ଦେବି ବାଧା। ଯାଉଅଛି ଚାଲି ବହୁଦୂର  ଫେରି ନ ଚାହିଁବି କେଭେ.... ଦୁଇଟୋପା ଅଶ୍ରୁ ଢାଳିଦେବ ଯଦି  ସାର୍ଥକ ହେବି ମୁଁ ତେବେ। 😭😭😭😭😭😭

ଆଖି ଜାଣେ ଲୁହ ଭାଷା ଓଠ ଜାଣେ ହସ, ମନ ଜାଣେ ପ୍ରେମ ଭାଷା ତନ ଜାଣେ ରସ। ଜହ୍ନ ଜାଣେ କଇଁ ଭାଷା ଛପି ଦେଖେ ନିତି, ଭଅଁର ଜାଣେ ଫୁଲ ଭାଷା ମଧୂର ତା ପ୍ରୀତି। ମେଘ ଜାଣେ ପିକ ଭାଷା ଝରେ ହୋଇ ଖୁସି, ମଳୟ ଜାଣେ ତାପ ଭାଷା ବହେ ହସି ହସି। ସାଗର ଜାଣେ ନଦୀ ଭାଷା ଆଲିଙ୍ଗନ କରେ, ଶାମୁକା ଜାଣେ ମୋତି ଭାଷା ଲୁଚାଏ  ବୁକୁରେ ସୂର୍ଯ୍ୟ ଜାଣେ ଚାନ୍ଦ ଭାଷା ଦିଏ ତାର ଜ୍ୟୋତି, ଦିନ ଜାଣେ ରାତି ଭାଷା ଛୁପିଯାଏ ନିତି।  ମୁଁ ଜାଣେ ତୁମ ଭାଷା ତୁମ ପାଇଁ ସାଜେ, ପାଖେ ଆସିଗଲେ ତୁମେ ମୁଜେ ଆଖି ଲାଜେ। ❤❤❤❤❤❤

ମୁଁ ପ୍ରୀତି ସ୍ନିଗ୍ଧା  ତୁମେ ପ୍ରୀତି ଫୁଲ ମୁଁ ଭିଜା ଭିଜା ବାସ୍ନା ତୁମେ ତ ମହୁଲ। ତୁମେ ପରଶମଣି   ଚମକ ମୋ ମଥାର ତୁମେ ମଧୁଲଗ୍ନ  ମୋ ପ୍ରତି ମୁହୂର୍ତ୍ତର। ତୁମେ ତ ଅସୀମ  ମୋ ପ୍ରୀତି ସାଗରର ଚଳ ଚଞ୍ଚଳା ମୁଁ ତୁମ  ପ୍ରେମରେ ଆତୁର । ସ୍ବର୍ଣାଭ ଆଶା ନେଇ ହୃଦୟେ  ଆଙ୍କିଛି ଚନ୍ଦନ ଲେପନ ଦେଇ  ତୁମକୁ ପୂଜୁଛି। ସିକ୍ତ ମନରେ ମୋର ଭରିଛ ଆସକ୍ତି ବ୍ୟାପ୍ତ କରିଛ ତୁମେ  ଫଗୁଣର ପ୍ରୀତି। ଭଗ୍ନସୌଧ ମୁଁ  ନିର୍ବିଘ୍ନରେ ଆଜି ଶୋଇଯିବି ଶାନ୍ତିରେ ତୁମ ପ୍ରେମେ ଭିଜି। ❤❤❤❤❤❤

ଛନ୍ଦର ସହରେ ଫନ୍ଦି ମୁଁ ଯାଇଛି ମୁକୁଳିବା ପଥ ନାହିଁ ତୋ ଚରଣ କୁ ଜଗା ଜାବୁଡି ଧରିଛି ପାପ   ଯାଉ ଦୂର ହୋଇ। କାମନା ବାସନା ରେ ବନ୍ଦି ନହୁଏ ବନ୍ଧା ତୋ ପାଖେ ଏ ଜୀବନ ତୋ ଛନ୍ଦା ଚରଣେ  ବନ୍ଦଇ କାଳିଆ ଛେଦ ନ କରିବୁ ମନ। ବୁନ୍ଦା ବୁନ୍ଦା ହୋଇ ବହି ପଡେ ଅଶ୍ରୁ ଦେଖି ତୋ ସୁନ୍ଦର ମୁଖ । ମନ୍ଦ ମନ୍ଦ ହସ ତୋ ଲାଗେ ଯେ ଅମୃତ ଦ୍ଵନ୍ଦ ରେ ପଡେ ମୋ ଦୁଃଖ। ଧନ୍ଦି ନ ଯାଏ ଜୀବନେ ମରଣେ ସନ୍ଧି କର ସାଥେ ମୋ ସାଇଁ  ସନ୍ଧ୍ୟା ନ ଆସୁ ଅନ୍ଧାରି ଜୀବନେ ସୂର୍ଯ୍ୟ ପରି ଚମକେ ମୁହିଁ। ମୋ କାନ୍ଧେ ତୋ ହାତ ରହିଥାଉ ହରି ଘଡି ସନ୍ଧି ମୁହୂର୍ତ୍ତରେ। ତୁ ମୋର ବନ୍ଧୁ ଆହେ କୃପାସିନ୍ଧୁ ଅଙ୍କା ବଙ୍କା ଏ  ଜୀବନ ରେ 🙏🏻🙏🏻🙏🏻🙏🏻🙏🏻🙏🏻

ତୋ ରଙ୍ଗରେ ମତେ ରଙ୍ଗି ଦେ କାଳିଆ ତୋ ପ୍ରେମ ରେ ଭାସିଯିବି ରାଧା ଭଳି ସେଇ କଦମ୍ବ ମୂଳ ରେ  ତୋ ସହ ନାଚୁଥିବି। ବଂଶୀ ସ୍ବର ତୋର ଶୁଣିକି କାଳିଆ  ମନ ମୋ ନ ହେବ କାବୁ ଭାବରେ ଭାବରେ ବାନ୍ଧି ଦେବି ତତେ ମୋ ପ୍ରେମରେ ବନ୍ଧି ଯିବୁ। ଯମୁନା ତଟ ଭି ଚାହିଁ ବସିଛି ଦେଖିବାକୁ ରାସଲୀଳା ପ୍ରେମପସରା ଖୋଲି ଜଗି ମୁଁ ବସିଛି ଆସିଯା  ନ କରି ହେଳା। ହେବି ମୁଁ ରୁକ୍ମିଣୀ ହେବି ମୁଁ ରାଧିକା ହେବି ଯେ ମୀରା ତୋ ପାଇଁ କଳଙ୍କିନି ବୋଲି କୁହନ୍ତୁ ପଛକେ କାହାକୁ ଭି ମୁଁ ଡରେ ନାହିଁ। ନିର୍ମଳ ମନରେ ହୃଦୟ କୁ ମୋର  ସମର୍ପି ଦେଇଛି ତତେ ସୂର୍ଯ୍ୟ ଚନ୍ଦ୍ର ତାରା ଆତଯାତ ଯାଏଁ ଭଲ ପାଉଥିବି ସତେ। ଏ ଦୁନିଆ ବୁକୁ ରେ ସ୍ବର୍ଣ୍ଣାକ୍ଷର ରେ  ଲେଖି ଦେବି ତୋ ନାମ ମନେ ରଖିବ ଏ ସାରା ସଂସାର ଏ କଳଙ୍କିନି ର ପ୍ରେମ। 🙏🏻❤🙏🏻❤🙏🏻❤

ମା ମନ ପବିତ୍ର ତା ଅମାୟକ ସ୍ନେହ ନ ଥାଏ  ଯେ ଛନ୍ଦ କପଟ। ପୂ‌ଣ୍ୟତୋୟା ପରି ବହୁଥାଏ ନିତି ମନ ତାର ଅଟେ ସଚ୍ଚୋଟ। ଦଶ ମାସ ଦଶ ଦିନ ଗର୍ଭେ ଧରି  କେତେ କଷ୍ଟ ସହିଥାଏ। ସାଗର ଠୁ ଗଭୀର ତା ଉଚ୍ଛୁଳା ପ୍ରେମ  ତା ପରି ସରି ବା କିଏ? କେତେ ଉପବାସ ମାନସିକ କରେ ପିଲାଙ୍କ ର ସୁଖ ପାଇଁ। ମୁଖେ ଫୁଟା ହସ ଦେଖିବାକୁ  ମନ୍ଦିର କୁ ଯାଏ  ଧାଇଁ। ତାର ଗାଳି ମାଡ ଅମୃତ ସମାନ ପିଲାଙ୍କ ଗଢା ଭବିଷ୍ୟ ମମତାରେ ତାର ସମତା ଝଲକେ  ଝରିପଡୁଥାଏ ଆଶୀଷ। କେତେ ଯେ ରଜନୀ ରହି ଉଜାଗର ପିଲାଙ୍କୁ ଆଉଁସି ଥାଏ ଚୋଟ ଟିକେ ଲାଗିଲେ ପିଲାଙ୍କୁ ପାଗଳ ପରି ସେ ହୁଏ। ତା ଆଞ୍ଚଳ ଛାୟା ଅଟେ ନିରାପଦ ଶାନ୍ତି ର ଆଶ୍ରୟ ସ୍ଥଳ। ବାକି ଯେ ଦୁନିଆଁ କିଣା ବିକା କ୍ଷେତ୍ର  ଭଙ୍ଗୁର କାଚର ତୁଲ। ଚଳନ୍ତି ପ୍ରତିମା ଦେବୀ ମୟୀ ମା ସବୁ ଦୁଃଖ ହାରିଥାଏ। ତା ଚରଣ ଯୁଗଳେ ମଥା ପାତିଦେଲେ ମୁକ୍ତି ଦ୍ବାର ଖୋଲିଯାଏ। 😍😍😍😍😍😍

ମା ଲୋ ତାରିଣୀ...... ତୋ ସ୍ନେହ ବନ୍ଧନେ ବନ୍ଧି ଯାଇଛି ଲୋ ନ ଫିଟୁ ତାହାର ଫାଶ। ମା ର ମମତା ଅଟେ ଯେ ଦୁର୍ଲ୍ଲଭ ଆଉ ସବୁ ଅଟହାସ। ତୋ ପରି ମା ପାଇ ଏ ଜୀବନେ ଧନ୍ୟ ହୋଇଛି ମୋ ଜନ୍ମ।  ଅଟୁ ଯେ ସାହାରା ସବୁ ବିପଦ ର ତୁଣ୍ଡ ଧରିଲେ ତୋ ନାମ। 108 ନଡିଆ ଜାଚିଛି ଲୋ ତତେ ବଗିଚାରେ  ତୋ ଫୁଲହୋଇ ଫୁଟୁ ଥିବି ତୋ ଶିର ରେ ସଦା ପାଉଥିବି ଶୋଭା  ମୁଖ ଦର୍ଶନ ତୋ କରୁଥିବି। ମୋ ଆତ୍ମା ତୋ ପାଖେ ବନ୍ଧା ଦେଇଛି ମା ରହିଲୁ ତୁ  ମୁକ ସାକ୍ଷି ରଖିବୁ ମାରିବୁ ଯାହା ତୁ କରିବୁ ହେବି ନାହିଁ କେଭେ ଦୁଃଖି। 🙏🏻🙏🏻🙏🏻🙏🏻🙏🏻🙏🏻