❤ ସାଥୀ❤

ସାଗର ପୁଅ ଉଚ୍ଛନ୍ନ ହଉଛି

ଚାନ୍ଦ ମୁହିଁ କୁ ଦେଖି

ଚାନ୍ଦ ମୁହିଁ ଯେ ଏତେ ଫୁଲେଇ

ତାରା ମେଳେ ଥାଏ ଲାଖି।❤

ଦୂରରୁ ଫୁଲେଇ ଚୁପି ଚୁପି ହସେ

ମଚକ ମଚକ ଚାହେଁ

ସାଗର ବିଚରା ତା ପ୍ରେମ ପାଗଳେ

ଢେଉ କୂଳେ ପିଟୁଥାଏ।❤

କେତେ ଉପହାର ସାଇତି ରଖିଛି

ତା ହୃଦୟ ସ୍ଥଳେ

ଚାନ୍ଦ ମୁହିଁ ତ ଖାତିର କରେନି

ଲୁଚେ ଭସାମେଘ ତଳେ।❤

ଯେତେ ନଦୀ ସବୁ ଅଥୟ ହୁଅନ୍ତି

ସାଗର ସାନ୍ନିଧ୍ୟ ପାଇଁ

ସାଗର ଭାଇ ଯେ ଖୁସି ତ ହୁଅନ୍ତି

ତା ପ୍ରେମା ଚାନ୍ଦ କୁ ଚାହିଁ।❤

ଜାଣିଛି ପାଗଳା ସଙ୍ଗମ ହବନି

ଯୁଗ ଯୁଗ ଯିବ ବିତି

ପବିତ୍ର ମନରେ କରେ ସେ ତ ପ୍ରେମ

ଦେଖି ଦେଖି ଦୂରୁ ନିତି।❤

ସାତ ଜନମ ର ଏ ପ୍ରେମ କାହାଣୀ

ମନେ ରଖିଛନ୍ତି ସର୍ବେ

ତନ ମିଳନ ଠୁ ମନ ର ମିଳନ

ଅମର ରହେ ଭବେ।❤

💜💙🖤💚💛❤