🙏🏻 _*ଜୟ ଜଗନ୍ନାଥ*_,🙏🏻

ଆଶା ବାଡି ତୁମେ 

ଆହେ ଅନ୍ତର୍ଯ୍ୟାମୀ

ଆଶରା ତୁମଠି ଅଛି

ଆଲୁଅ ଅନ୍ଧାରେ 

ଆଜି  ଜୀବନରେ

ଆଦରି ତୁମକୁ ନେଇଛି। 

ଛଳ ଛଳ ଆଖି

ଛବି ତୁମ ଦେଖେ

ଛନ୍ଦହୀନ ମନ ନେଇ

ଛପି ଛପି ଆସ 

ଛଳନା ନକରି

 ଛାଇ ହୋଇଥାଅ ରହି।

ଜନମ ମରଣ 

ଯାନି ଜୀବନରେ

ଜଗତରେ ଯାହା ଅଛି

ଯାହା ମୁଁ ଦେଖୁଛି

ଯାହା ମୁଁ ଶୁଣୁଛି

ଜାଣିଛ ତ ସବୁ କିଛି।

ସତ୍ୟ ସନ୍ଧାନ ରେ 

ସଦ୍ୟ ବାହାରିଛି 

ସାଥୀ ତୁମକୁ କରି

ସହାସ୍ୟ ବଦନେ 

ସହିଯିବି କଷ୍ଟ

ସାହସ ଭରିବ ମୋ'ରି।

ଧରମ କରମ 

ଧରି ରଖିଚ ହେ

ଧରା ପୃଷ୍ଠରେ ନିତି

ଧନ ଦେଇ କେବେ 

ଧରମ ନ ମିଳେ

ଧନ୍ୟ ହେ ଧରମ ପତି।

ଭବେ ଦେଖୁଥାଅ

ଭାବନା କୁ ମୋର 

ଭିତରେ ଭିତରେ ଥାଇ

ଭାବି  ପାରୁନି ମୁଁ 

ଭଜିବି କେମିତି

ଭାରି ଭାରି ମନ ନେଇ।

ପର୍ଯ୍ୟାପ୍ତ ଏଇ

ପୃଥିବୀ ପୃଷ୍ଠରେ

ପାପ ନ କରିବି ମୁହିଁ

ପାବନ ହୃଦୟେ 

ପ୍ରତିଜ୍ଞା କରୁଛି

ପତିତ ର ବାନା ଛୁଇଁ।

_*ମିନାକ୍ଷୀ*_

🙏🏻🙏🏻🙏🏻🙏🏻🙏🏻🙏🏻