*ଉଦାରୀକରଣ ର ୩୧ ବର୍ଷ ସଂପର୍କ ରେ.....*
ଉଦାରୀକରଣ ଅର୍ଥ ହେଉଛି ଏହିପରି ନିୟନ୍ତ୍ରଣ କୁ ମୁକ୍ତ କରିବା ବା ଅପସାରଣ କରିବା ଯାହାଦ୍ବାରା ଅର୍ଥନୈତିକ ବିକାଶ ହୋଇପାରିବ। ଏହି ଉଦାରୀକରଣ ନୀତିରେ ଦେଶରେ ଅର୍ଥନୈତିକ କଲ୍ୟାଣ ବା ବିକାଶରେ ବାଧା ସୃଷ୍ଟି କରୁଥିବା ନିତି,ନିୟମ, ପ୍ରଶାସନିକ ନିୟମ, ପ୍ରଣାଳୀ କୁ ବନ୍ଦ କରାଯାଏ ବା ଶିଥିଳତା ଅଣାଯାଏ।
ଏହି ପ୍ରକ୍ରିୟାରେ ବିଶ୍ବ ସହିତ ବେପାର ବାଣିଜ୍ୟ ର ସର୍ତ୍ତ ଗୁଡ଼ିକ ଲାଗୁ କରାଯାଏ। ଯା'ଦ୍ବାରା ଆର୍ଥିକ ଅବସ୍ଥା ର ବିକାଶ ହେବା ସଙ୍ଗେ ସଙ୍ଗେ ଦେଶର ସର୍ବଦଳୀୟ ଅଗ୍ରଗତି ମଧ୍ୟ ହୋଇଥାଏ।
ବହୁମୁଖୀ ପ୍ରଗତିକୁ ମଧ୍ୟ ଆଗେଇ ନେଇଥାଏ।
୨୦୨୨ ଜୁଲାଇ ମାସ ଉଦାରୀକରଣ ର ୩୧ତମ ବାର୍ଷକୀ ଅଟେ।
୧୯୯୧ ମସିହା ଜୁଲାଇ ୨୪ ତାରିଖ ରେ ତତ୍କାଳୀନ ଅର୍ଥମନ୍ତ୍ରୀ ମନମୋହନ ସିଂହ ଙ୍କ ଦ୍ଵାରା ବଜେଟ ଭାଷଣ ଉପରେ ଅଧିବେଶନ ହୋଇଥିଲା। ସେତେବେଳେ ଏହି ଉଦାରୀକରଣ ନୀତି ଲାଗୁ କରିଥିଲେ।
ଆମ ଦେଶ ଯେତେବେଳେ ସ୍ବାଧୀନତା ଲାଭ କଲା ଦେଶର ଅର୍ଥନୈତିକ, ରାଜନୈତିକ ସମସ୍ତ ବ୍ୟବସ୍ଥା ଏକ ଶୈଶବ ଆକାରରେ ଥିଲା । ତାହାରି ଉପରେ ଅନେକ ବିଦେଶୀ ଛଞ୍ଚାଣ ଙ୍କ ଲୋଲୁପ ଦୃଷ୍ଟି ନିବିଦ୍ଧ ଥିଲା।
ଅନ୍ତଃରାଷ୍ଟ୍ରୀୟ ବେପାରୀ,ପୁଞ୍ଜିପତି,ବଡ଼ ବଡ଼ ଅନେକ ସଂସ୍ଥା ,ବିକାଶଶୀଳ ଦେଶ ଆମ ଦେଶରେ ଅର୍ଥ ବିନିଯୋଗ କରିବାକୁ ଚାହୁଁଥିଲେ। କିନ୍ତୁ ସେତେବେଳେ ଡର ଥିଲା ସେମାନେ ଆମର ଅର୍ଥନୈତିକ, ରାଜନୈତିକ, ସାମାଜିକ ସ୍ବାଧୀନତା ରେ ପୁଣି ଆଞ୍ଚ ଆଣି ପାରନ୍ତି। ସେମାନଙ୍କ ଇଶାରା ରେ ବା ସେମାନଙ୍କ ଆଜ୍ଞାରେ ବସଉଠ ହବାକୁ ପଡ଼ିପାରେ।ଏମିତି ଅନେକ ଦେଶ ର ଉଦାହରଣ ଅଛି। କିନ୍ତୁ ଯେତେବେଳେ ଆମେ ସ୍ବାବଲମ୍ବୀ ହୋଇପାରିଲୁ ।ନିଜ ଦକ୍ଷତା ଉପରେ ଆମର ଦୃଢ଼ ବିଶ୍ୱାସ ବଢିଲା। ଆମର ଶାସନ ଉପରେ ନିଜର ନିୟନ୍ତ୍ରଣ ରହିଲା । ତାହା ପରେ ଅର୍ଥନୈତିଜ୍ଞ, ରାଜନୈତିଜ୍ଞ ,ବଡ଼ ବଡ଼ ବୁଦ୍ଧିଜୀବୀ ଦେଶର ଆହୁରି ବିକାଶ ଓ ପ୍ରସାର ପାଇଁ ଚିନ୍ତା କଲେ।
୧୯୯୦-୧୯୯୧ ମସିହାରେ ଆର୍ଥିକ ସଙ୍କଟ ଦେଖାଗଲା।
ବିଦେଶୀ ମୁଦ୍ରା ର ଘୋର ଅଭାବ ଦେଖାଗଲା।ଦେଶର ଭବିଷ୍ୟତ ଅନ୍ଧାକାର ଦେଖାଯାଉଥିଲା। ସେହି ସମୟରେ ମନମୋହନ ସିଂହ ୧୯୯୧ ଜୁଲାଇ୨୪ ରେ ଉପସ୍ଥାପନ କରିଥିଲେ ଐତିହାସିକ ବଜେଟ୍ ଯାହା ଦେଶର ରୁପରେଖ ବଦଳାଇବାରେ ସହାୟକ ହୋଇଥିଲା। ସେହି ଦିନଠାରୁ ଉଦାରୀକରଣ ଯୁଗ ଆରମ୍ଭ ହେଲା ।ଆଜିକୁ ୩୧ ବର୍ଷ ପୂର୍ଣ୍ଣ ହୋଇଛି।
ଏହି ଉଦାରୀକରଣ ନିୟମ ଲାଗେ ଜିଡିପିରେ ଉଲ୍ଲେଖନୀୟ ଅଭିବୃଦ୍ଧି ଘଟିଥିଲା। ବିଭିନ୍ନ ପ୍ରକଳ୍ପର ସ୍ଥାପନାରେ ବ୍ୟାପକ ବିନିଯୋଗ ଏବଂ ଆଧୁନିକୀକରଣ, ବିଶେଷ କରି ବୟନଶିଳ୍ପ, ଅଟୋମୋବାଇଲ,କୋଇଲାଖଣି, ରାସାୟନିକ ଏବଂ ପେଟ୍ରୋ-ରାସାୟନିକ ପଦାର୍ଥ, ଧାତୁ,ଖାଦ୍ୟ, ପ୍ରକ୍ରିୟାକରଣ, ସଫ୍ଟୱେର ଇଣ୍ଡଷ୍ଟ୍ରି, ଇତ୍ୟାଦି ରେ ଏହାର ନେତୃତ୍ୱ ନେଇଥିବା ଭିତ୍ତିଭୂମି ବିକାଶ ସହିତ ନିଯୁକ୍ତି ସୁଯୋଗ ବୃଦ୍ଧି ପାଇଲା।
ନରସିଂହ ରାଓଙ୍କ ଦୃଢ଼ ରାଜନୈତିକ ଇଚ୍ଛାଶକ୍ତି ଓ ମନମୋହନ ସିଂହ ଙ୍କ ଅର୍ଥନୀତି ଉପରେ ଗଭୀର ଜ୍ଞାନ ଉଦାରୀକରଣ କୁ ଜନ୍ମ ଦେଇଥିଲା।
ଯାହାଦ୍ବାରା ଆମେ ଏବେ ଏକ ବିକାଶଶୀଳ ଦେଶ ନାମରେ ନାମିତ ଅଛୁ।
Comments
Post a Comment