*ଶୁଭ ଦୀପାବଳୀ*
ଆଲୋକର ପର୍ବ ଏହି ଦୀପାବଳୀ
ଅନ୍ଧକାର କରେ ଦୂର,
ତୁମେ ସବୁ ଶିଶୁ ଅଟ ଦୀପ ସମ
ଉଜ୍ଜ୍ବଳ ଭବିଷ୍ୟର।
ହିଂସା, ଈର୍ଷା,ପାପ କରିବ ଖଣ୍ଡନ
ଜ୍ଞାନର ଦୀପ କୁ ଜାଳି,
ସତ୍ୟ,ଧର୍ମ ପଥେ ଚାଲିବ ସଭିଏଁ
ସେବା ମନୋଭାବ ଭରି।
ଆଜି ଦୀପାବଳୀ ଖୁସିର ପରବ
ଘରେ ମିଠା,ପିଠା,ପଣା,
ବନ୍ଧୁ ପରିଜନ ସାଙ୍ଗସାଥୀ ମେଳେ
ବାଣ୍ଟିବ ସ୍ନେହ ର ଝୁଣା।
ଦୀପାଳୀ ଜଳାଇ ଡାକିବା ମା' କାଳୀ
ଆସ ଆସ ଅବତରି,
ଅନ୍ଧାର ଭିତରୁ ଆଲୋକ ଆଡ଼କୁ
ନିଅ ମା ଆମକୁ କାଢି।
ପିତୃ ପୁରୁଷ ଙ୍କୁ କରିବ ନମନ
ଆଲୋକର ଶିଖା ଧରି,
ଯାଅ ସ୍ବର୍ଗ ଲୋକେ ଆଜିର ଆଲୋକେ
ନମ୍ର ନିବେଦନ କରି।
କରିବନି ଧ୍ବନି,ବାୟୁ ପ୍ରଦୂଷଣ
ଆତସବାଜି କୁ ଜାଳି,
ଧରଣୀ ମାତାକୁ ରଖିବ ନିର୍ମଳ
ପାଳି ଶୁଭ ଦୀପାବଳୀ।
ଶାନ୍ତି ସମ୍ଭାବନା ଭାତୃ ଭାବ ନେଇ
ଭରି ସ୍ନେହ,ପ୍ରେମ ମନ୍ଦାକିନୀ,
ନବ୍ୟ ଚେତନାରେ ସମ୍ଭାବ୍ୟ ସକାଳେ
ହସିବ ପ୍ରକୃତି ରାଣୀ।
ଉଆଁସୀ ଛାତିରେ ପ୍ରଜ୍ଜ୍ଵଳିତ ଶିଖା
ତମ୍ରସାର ହେବ କ୍ଷୟ,
ଝରାଇ ପୀୟୂଷ ସବୁଜ ଧରଣୀ
ଧର୍ମ ର ହେବ ଜୟ।
ମିନାକ୍ଷୀ ଦ୍ବିବେଦୀ
୭୯୭୮୦୮୨୮୩୪
Comments
Post a Comment