ପ୍ରିୟା କୁ ପଦେ

*ପ୍ରିୟା କୁ ପଦେ*

ଧୀର ନେତ୍ର ପ୍ରାନ୍ତେ ପ୍ରେମାଙ୍ଗୀ ପ୍ରତିମା

ମୃଦୁ ପାଦ ପଦ୍ମ ସୁନେଲି ଚନ୍ଦ୍ରମା,

କନକବରନୀ ତୁମ ଅଙ୍ଗ ଅଙ୍ଗ ଶିରୀ

ସ୍ବପ୍ନ ମିଶା କଳ୍ପନା ରୂପସୀ କାଉଁରୀ,

ଗୁଣୁ ଗୁଣୁ ଗାଏ ମୋ ମନ ଭ୍ରମର

ଇଛା ର ନଈ ତୁମେ ଆଲୋକର ଢେଉ ଝର,

କୁହହେ .. ପ୍ରାଣବଲ୍ଲଭୀ

କେତେ ପ୍ରତୟ ସାଇତିଛି

ତୁମ ଦୁଇ ନୀଳ ଆଖି

ବିଶ୍ବାସ ର ମଧୁ ଗାଇ

ଜହ୍ନ କୁ କରିଛ ସାକ୍ଷୀ,

ଆକାଶ ମାଟି ଗାଏ ମଧୁର ମିଳନ ଗୀତି

ଲୁଚି ରୁହ ମୋ ଛାତିରେ

ରଜନୀ ଯାଉଛି ବିତି,

କାମନା,ବାସନା ଜାଲେ ଏ ବିଦଗ୍ଧ ହୃଦୟ 

ଦିଅ ପୂର୍ଣ୍ଣ ଅନୁଭବ ତୁମ ପ୍ରୀତି ପ୍ରଣୟ

ତୁମ ପ୍ରେମ ଛନ୍ଦ ସୁର

ହୃଦ କୁଞ୍ଜେ ସଂଚରେ ଶ୍ବାସ

ଚେତନାର ଆଇନା ରେ 

ଦିଅ ମୃଦୁ ଶୀତଳ ସ୍ପର୍ଶ।