ମୋ ଭିତରେ ମୁଁ ର ସନ୍ଧାନ ----*

*---- ମୋ ଭିତରେ ମୁଁ ର ସନ୍ଧାନ ----*

ମୋ ଭିତରେ ମୁଁ ର ଅନୁସନ୍ଧାନ କରିଛି

ତା ଭିତରେ ପାଇଛି ଛୋଟ ଘର ଟିଏ

ଗୋଟେ ଝରକା ଆରପାଖେ

ନୀଳାଭ ଆକାଶ,

ପଛ ଝରକା ଖୋଲି ଦେଲେ 

ନିଳାମ୍ବୁ ସାଗର,

ସାମ୍ନା ଦୁଆର ବାହାରେ 

ଯନ୍ତ୍ରଣା ରେ ଘୁଷୁରୁଥିବା ପୃଥିବୀ 

ତାପରେ ମୁଁ ବନିଯାଏ ସମଗ୍ର ମୁଲକର ବାଦଶାହା

ଜୁଳୁ ଜୁଳୁ ସନ୍ଧ୍ୟା ତାରାର ଆଖି ରେ

ବିଶ୍ବାସର ଚାରି ବୁନ୍ଦା ଲୁହ

ସେଇ ମୁକ୍ତ କଣ୍ଠ , ମୁକ୍ତି ମନ

ମିଞ୍ଜି ମିଞ୍ଜି ଜଳୁଥିବା 

କ୍ଷୀଣ ଆଶାର ବହୁତ ଉର୍ଦ୍ଧ୍ବରେ,

ମୁଁ ଏବେ ଆଦି ଅନ୍ତହୀନ ଈଶ୍ୱର 

ମୁଁ ସୃଷ୍ଟି କରେ ଅସଂଖ୍ୟ ପରିଚୟ, ଅସଂଖ୍ୟ ଚେହେରା

ଆଉ ଏକ ଇପ୍ସିତ ପୃଥିବୀ,

ମୁଁ ହୋଇଯାଏ ଯାଦୁଗର

ଯାଦୁଛଡି ଛୁଇଁ ଦେଲେ

ମାଟି ପାଲଟେ ସୁନା

ଋତୁ ବଦଳେ, ପତ୍ର କଅଁଳେ 

ପବନ ଓହ୍ଲାଇ ଆସେ ନୀଳଶୈଳ କନ୍ଦରୁ

ବର୍ଷା ଅଭିସାରେ ବାଦଲ

ଆଖିରେ ଚମକ ଖେଳେ

ଫୁଲ ସବୁ କୁରୁଳେଇ କୁରୁଳେଇ ନାଚି ଉଠନ୍ତି

ଦୂର ଦିଗନ୍ତକୁ ଭାସିଯାଏ

ଉଷା,ଉଷସୀର ସୁମଧୁର ବୀଣା ଝଂକାର

ମୁଁ ଲେଖି ବସେ ଭାଗ୍ୟ ଲିପି

ଜନ୍ମ ଦିଏ,ମୃତ୍ୟୁ ଦିଏ

ମିଶେଇ ଦିଏ ସେମାନଙ୍କୁ 

ମାଟି ରେ, ପାଣିରେ, ପବନରେ 

ମୋ ଘରେ ଖେଳିଯାଏ ଅଗୁରୁ, ମୃତ୍ୟୁ ର ଗନ୍ଧ

ତାପରେ ହଠାତ୍ ଅନ୍ଧାର ହିଁ ଅନ୍ଧାର

ରୁଗ୍ମ ହୋଇଯାଏ ଅସ୍ତିତ୍ବ 

ହଜାଇ ବସେ ଠିକଣା

ପୁଣି ମୁଁ ର ସନ୍ଧାନରେ

ସୃଷ୍ଟି ହୁଏ ଅନ୍ୟ ଏକ ଭିନ୍ନ ମଣିଷ

ମୁଁ ମୋ ପାଇଁ ହୋଇଯାଏ

ବକେୟା,ଅବୋଧ୍ୟ,ଅନାମଧେୟ, ଅଭାବନୀୟ

ପଚା ସଢା କଙ୍କାଳ ର ଛଦ୍ମବେଶ।

ମିନାକ୍ଷୀ ଦ୍ବିବେଦୀ 

୭୯୭୮୦୮୨୮୩୪